Apetamcor presenta publicamente sinresiduo.es

11 de Novembro de 2013

O pasado sábado día 9 de novembro presentouse publicamente na sede de APETAMCOR en Ourense  o proxecto  de priorización dos esquemas de reutilización no sector do transporte de mercadorías por estrada «sinresiduo.es», que a asociación vén de desenvolver grazas ao financiamento da Consellería de Medio Ambiente, Territorio e Infraestruturas da Xunta de Galicia e o Fondo Europeo de Desenvolvemento Rexional, e que nace co obxectivo de mellorar as taxas de reutilización de recambios para o mantemento e reparación de vehículos destinados ao transporte de mercadorías por estrada.

Tomaron parte no acto Maruxa Pérez, Xerente da Consultora Medioambiental ESGAM a quen se encomendou a dirección técnica do proxecto, e mais Alberto Vila, Xerente de APETAMCOR.

O acto serviu para anunciar publicamente que APETAMCOR porá en marcha na rede en próximas datas o portal web sinresiduo.es que, entre outros servizos, permitirá poñer en contacto aos diferentes axentes que interveñen nos circuitos de reutilización e reciclaxe de elementos para o mantemento e reparación de vehículos destinados ao transporte por estrada.

Alberto Vila manifestou que este proxecto é unha mostra do claro compromiso da asociación coa mellora das prácticas medioambientais no sector do transporte de mercadorías.

Deixe unha resposta

O seu enderezo electrónico non se publicará Os campos obrigatorios están marcados con *

*