Incorpora, o programa de integración laboral de La Caixa diríxese a persoas con discapacidade, parados de larga duración, inmigrantes e vítimas de violencia de xénero, entre outros colectivos.
APETAMCOR asinou hoxe un acordo de colaboración con APES, IGAXES3 e “La Caixa” que ten como obxectivo fomentar a integración laboral de persoas con especiais dificultades para acceder a un posto de traballo e á súa vez promover accións de responsabilidade social no marco do programa Incorpora de “La Caixa”.
Participaron no acto de sinatura do convenio o director de CaixaBank en Ourense, Javier Pereira Fernando Garza; o Coordinador Xeral de APETAMCOR, Alberto Vila; a Presidenta da Asociación para a prevención e a educación social – APES, Susana Pérez e en representación do Grupo Incorpora Galicia, de IGAXES3, Deibe Simo.
Este acordo procura fomentar a contratación de persoas en situación de vulnerabilidade social e risco de exclusión, xerando alianzas e o traballo conxunto entre entidades sen fin de lucro comprometidas coa responsabilidade social.
Neste contexto APETAMCOR toma parte deste labor favorecendo o traballo en rede, xerando unha sólida relación bidireccional entre as entidades, coordinando as necesidades de contratación das empresas do sector do transporte e desenvolvendo proxectos formativos destinados á cualificación destes colectivos de difícil inserción neste sector.
